सम्पूर्ण आमाहरु प्रति समर्पित

मातातिर्थ औंशीको उपलक्ष्यमा सम्पूर्ण आमाहरु प्रति समर्पित कविता

छन्दः अनुष्टुप छन्द, कविताको शिर्षकः 

"आमा भन्दा ठूला हुन्नन्; देवता पनि लोकमा"

आमा भन्दा ठूला हुन्नन्; देवता पनि लोकमा ।

आमाले धारणा गर्छिन्; नौ महिला उनि पेटमा ॥

                    ॥१॥

प्रसुति वायुले धक्का; दिँदा जन्म गराउँछिन् ।

प्राण कै अडना राखी; जन्माउने ति गर्दछिन् ॥

                    ॥२॥

छातीको रसपानद्वारा; पेट भर्ने गराउँछिन् ।

बच्चाको मुत्रमा सुती; ओभानूमा सुताउँछिन् ॥ 

                    ॥३॥

शरीर माडमुड् पारी; सेवा दिने तिनी आमा ।

मिठो चोखो मिलेमाहाँ; काख च्यापी दिने खाना ॥

                    ॥४॥

बाबुनानी यति खाउ; फकाएर खुवाउने ।

जननी जन्मदातृ हुन्; दैवभन्दा पनी ठूली ॥

                    ॥५॥

येनमातापिता, सेवयापूजितौ ।

तेनमन्दिरे पूजा कृतावानवा ।

यस्ता माता पितालाई; सुश्रुषा गरने गरे ।

बैकुण्ठ स्वर्गको ढोका; खुल्नेछ निश्चय गरे ॥

                    ॥६॥

वर्तमान दुःखको कुरा, 

विसंगति विडम्बना; वृद्धाश्रम्‌मा पठाउने ।

आफ्ना छोरा छोरीलाई; काख च्यापी रमाउने ॥

                    ॥७॥

भोली त्यो मार्गमा जानु; पर्नेछ तिमिले बुझ ।

आमाबाबु लखेटेर; तिमी पनि उहीँ कुँद ॥

                    ॥८॥

तिम्रो देखासिकी तीम्रै; सन्तानहरुले गरी ।

भगाउँनेछन् वृद्धाश्रम्‌मा; रुनुपर्ला खुबै पछि ॥

                    ॥९॥

तसर्थ कहिल्यै हुन्न; माताको आँशु नै पिन ।

ऐश्वर्य स्वर्गको ढोका; माता सेवा गरीचिन ॥

                    ॥१०॥

                    समाप्त