गुरू रेवतीरमण पौडेलज्यूको तर्फबाट

 आदरणीय गुरु देवकी नन्दन भन्डारी ज्यू !

सादर नमन !!!
मलाई प्रेमपूर्वक " अध्यात्म चन्द्रीका " र " सर्वेश्वर दर्पण -२०७५" दिनु भएकोमा आभार !
गहन आध्यात्मिक दर्शनमा आधारित यी दुवै संकलित पुस्तक पढेर / बुझेर त यति छिट्टै के सकिन्थ्यो र ! बिहंगम दृष्टीले हेर्दा यहाँले अन्य विद्वान हरुका भावनालाई यथोचित स्थान दिएर जुन संग्रह प्रकाशित गर्नुभएकोछ त्यो अति उत्तम कार्य संपन्न भएको छ !यसले आध्यात्मिकतामा रुचि राख्ने सबै पाठकलाई चेतना अभिबृद्धी गर्न सहयोग गर्नेछ भन्ने मैले विश्वास लिएको छु !
अब प्रकाशन गर्न चाहना राख्नु भएको मौलिक " गुल्मी तिर्थ परिचय " नामक कृति प्रकाशित हुनेछ र यो गर्भस्थ पुस्तक पर्यटन प्रवर्द्धनमा सहयोगी हुनेछ भन्ने विश्वास लिई मेरो बिचार समेत राख्न चाहेको छु !
प्राचीन गुल्मी राज्य रिडी खोला देखि पूर्वोत्तर बडी घाट देखि पश्चिम हालको अर्घाखाँची समेत हुनुपर्छ ! बडीघाट देखि पूर्वको भाग म्याग्दी खोला संम बाग्लुङ र तेस उता पर्वत राज्य थियो जुन मुस्ताङ समेत पर्छ ! अहिले पर्वत नाम दिईएको जिल्ला त उबेलाको पैयुँ राज्य हो !मैले जान्दा संम पनि हाम्रा बाजेहरु पर्वत गएर आएको वा जाने भन्थे, त्यो म्याग्दी मुस्ताङ हो हालको !
पाल्पाको शीतकालिन राज्धानी बुटवलको फुलवारी भए जस्तै पर्वतको बेनी थियो , ठूला नदीलाई नै सीमा मानिन्थ्यो ! यो यति सीमा बारे चर्चा गर्नुको मेरो उद्देश्य के भने अब प्रकाशित हुने पुस्तकले " गुल्मी को सेरोफेरो तिर्थ यात्रा मेरो " भन्दै छर छिमेकी लाई समेत समेटियोस् भन्ने आशय हो ! ऋषि केशव पाल्पामा भए पनि गुल्मी र स्याङ्जाको संगममा र सेतीबेणी शिला स्याङ्जा तिरभए पनि गुल्मी र पर्वतको संगममा अबस्थित छ , तेसैले सेरोफेरो नाम राखी सबै समेटियोस् भन्दै मेरो भनाई अन्त्य गरें !ॐ ! राधे ! राधे !!!

Post a Comment

0 Comments